《無間道》導演劉偉強收養被遺棄貓狗　出錢為流浪動物治癌關心寵物權益

人生總會遇上幾隻怪獸。怪獸不怪，人面卻獸心。總愛收養被遺棄被虐待動物的導演劉偉強，說新作《武林怪獸》是希望宣揚保護動物訊息。

劉偉強是自小在元朗鄉村長大，愛動物如命，無論家中或公司與狗狗貓貓龜龜魚魚為伴。「我嚟呢度睇樓，全部爛溶溶，中間無端端放咗個桶，原來係一隻龜一條魚，我咪買咗個大魚缸養到佢哋到而家。」

▲ 劉偉強導演古天樂主演的《武林怪獸》其實宣揚愛護動物的訊息。

狗狗小強是拍完《無間道》，有人遺棄動物，把狗放入紙箱放在我公司門口，上面寫上字條「內有小狗」，便把牠收養了。他笑道：「我叫阿強，咪幫佢改名小強，俾佢住喺公司睇檔做老闆！」

在公司，小強與拖肥為伴穩守陣營，拖肥是隻單眼貓，劉偉強說：「當日佢喺街市被虐待，好彩被義工救返，輾轉間有同事建議我收養，公司又多個新成員。」

養了不久，劉偉強便發現貓貓的眼睛有問題，醫生說貓貓患眼癌要做手術，將整個眼球拿走。然後有日，牠又突然內出血，去醫院輸了好幾包血。

▲ 劉偉強總愛收養被遺棄被虐待動物。（圖片：梁爾紋）

更多有關劉偉強與愛犬報導請睇 http://bit.ly/2C8suR9

他笑謂：「貓貓輸血後性格變晒，以前佢好驚人平時只係瑟縮一角，出院後竟然變咗隻狗，經常親近人。」雖然拯救拖肥的過程既勞心又要大花金錢，但劉偉強都義無反顧說生命來的，盡量讓牠們有好日子過吧！

被遺棄被虐待的也得到大愛，感謝劉偉強的善良。